എലിസബത്ത് രാജ്ഞിക്ക് വിട

73-കാരനായ മകൻ ചാൾസ് ബ്രിട്ടന്റെ പുതിയ രാജാവാകും . ചാൾസ് മൂന്നാമൻ രാജാവ് എന്ന പദവിയാണ്  ഉടൻഏറ്റെടുക്കുക. 25-ാം വയസ്സിൽ രാജ്ഞിയായ അമ്മയിൽ നിന്ന് വ്യത്യസ്തമായി, 73-ാം വയസ്സിൽ രാജാവാകുന്ന ചാൾസ് ഏറ്റവും പ്രായം കൂടിയ കിരീട അവകാശിയാണ്

ബ്രിട്ടീഷ് രാജ്ഞി എലിസബത്തിന്റെ മരണത്തോടെ 73-കാരനായ മകൻ ചാൾസ് ബ്രിട്ടന്റെ പുതിയ രാജാവാകും . ചാൾസ് മൂന്നാമൻ രാജാവ് എന്ന പദവിയാണ്  ഉടൻഏറ്റെടുക്കുക. 25-ാം വയസ്സിൽ രാജ്ഞിയായ അമ്മയിൽ നിന്ന് വ്യത്യസ്തമായി, 73-ാം വയസ്സിൽ രാജാവാകുന്ന ചാൾസ് ഏറ്റവും പ്രായം കൂടിയ കിരീട അവകാശിയാണ് .

70 വർഷമായി ബ്രിട്ടനിൽ ഏറ്റവും കൂടുതൽ കാലം സേവനമനുഷ്ഠിച്ച ചക്രവർത്തിയായിരുന്നു എലിസബത്ത് രാജ്ഞി. , 1952-ൽ ശക്തമായ ബ്രിട്ടീഷ് സാമ്രാജ്യം ക്ഷയിച്ചുകൊണ്ടിരുന്ന ഒരു അനിശ്ചിത സമയത്തായിരുന്നു എലിസബത്ത് രാജ്ഞി സിംഹാസനത്തിൽ കയറിയത് .  ഏഴു പതിറ്റാണ്ടിലേറെ ബ്രിട്ടീഷ് രാജ്ഞിയായി തുടർന്ന എലിസബത്ത് പതിനഞ്ചോളം ബ്രിട്ടീഷ് പ്രധാനമന്ത്രിമാരുടെ കാലത്തിനും  സാക്ഷിയായി. ശക്തമായ സാമ്രാജ്യത്വവും എല്ലായിടത്തെയും കോളനിവൽക്കരണവും അവസാനിച്ചതിന് പിന്നാലെ പിതാവ് ജോർജ്ജ് ആറാമനിൽ നിന്നാണ് 25-ാം വയസിൽ എലിസബത്ത് 1952-ൽ അധികാരം ഏറ്റെടുത്തത്.ബ്രിട്ടന്‍റെ ചെങ്കോൽ ചൂടിയ ഭരണാധികാരിയാണ് എലിസബത്ത് അലക്സാണ്ട്ര മേരി. കിരീടധാരണത്തിന്‍റെ എഴുപതാം വർഷത്തിൽ ബ്രിട്ടീഷ് രാജ്ഞി എലിസബത്ത് അന്തരിച്ചത്.
എലിസബത്ത് രാജ്ഞിയുടെ വിയോഗത്തോടെ ബ്രിട്ടനിൽ ഒരു യുഗാന്ത്യമാണ് സംഭവിച്ചിരിക്കുന്നത്.
രാജ്ഞിയോടുള്ള  ആദരസൂചകമായി യു.കെയിലെ സ്റ്റോക്ക് എക്സ്ചേഞ്ചുകളും വ്യാപാര-വ്യവസായ സ്ഥാപനങ്ങളുമെല്ലാം അടഞ്ഞുകിടക്കുകയാണ്.

എലിസബത്ത് രാജ്ഞിയോടുള്ള ആദരസൂചകമായി ഇന്ത്യയില്‍ ഒരു ദിവസത്തെ ദുഃഖാചരണം നടത്തും. ഞായറാഴ്ചയാണ് രാജ്യവ്യാപകമായി ദുഃഖാചരണം. കേന്ദ്ര ആഭ്യന്തര മന്ത്രാലയമാണ് ഇക്കാര്യം അറിയിച്ചത്. അന്നേദിവസം സര്‍ക്കാര്‍ മന്ദിരങ്ങളിലും മറ്റും ദേശീയ പതാക പകുതി താഴ്ത്തി കെട്ടും. ഔദ്യോഗിക പരിപാടികളൊന്നും ഉണ്ടാകില്ല.