കോവിഡ് വ്യാപനത്തിന്റെ പശ്ചാത്തലത്തില് സിബിഎസ്ഇ പന്ത്രണ്ടാം ക്ലാസ് പരീക്ഷ കേന്ദ്രസര്ക്കാര് റദ്ദാക്കിയിരുന്നു.
12-ാം ക്ലാസ് വിദ്യാര്ഥികളുടെ മൂല്യനിര്ണയത്തിനുള്ള മാനദണ്ഡം സിബിഎസ്ഇ സുപ്രീംകോടതിയില് സമര്പ്പിച്ചു. വിദ്യാര്ഥികള്ക്ക് ഗ്രേഡും മാര്ക്കും നല്കുന്നതിനുള്ള മാനദണ്ഡമാണ് സിബിഎസ്ഇ സമര്പ്പിച്ചത്. ഫലപ്രഖ്യാപനം ജൂലൈ 31ന് മുമ്പ് നടത്തുമെന്ന് കേന്ദ്രസര്ക്കാര് അറിയിച്ചു.
പന്ത്രണ്ടാം ക്ലാസ് വിദ്യാര്ഥികളുടെ മൂല്യനിര്ണയത്തിന് പ്രീ ബോര്ഡ് പരീക്ഷകളുടെ മാര്ക്ക് പരിഗണിക്കും. പ്രാക്ടിക്കല്, യൂണിറ്റ്, ടേം പരീക്ഷകളുടെ മാര്ക്കാണ് പരിഗണിക്കുക. ഇതിന് പുറമേ പത്ത്, പതിനൊന്ന് ക്ലാസുകളിലെ വിവിധ പരീക്ഷകളുടെ മാര്ക്കും പരിഗണിക്കുന്ന വിധമാണ് ഫോര്മുല തയ്യാറാക്കിയത്. പത്ത്, പതിനൊന്ന് ക്ലാസുകളില് അഞ്ചുപേപ്പറുകളില് ഏറ്റവുമധികം മാര്ക്ക് ലഭിച്ച മൂന്ന് പേപ്പറുകളുടെ മാര്ക്കാണ് പരിഗണിക്കുക എന്ന് സുപ്രീംകോടതിയില് സമര്പ്പിച്ച മാനദണ്ഡത്തില് പറയുന്നു.
കോവിഡ് വ്യാപനത്തിന്റെ പശ്ചാത്തലത്തില് സിബിഎസ്ഇ പന്ത്രണ്ടാം ക്ലാസ് പരീക്ഷ കേന്ദ്രസര്ക്കാര് റദ്ദാക്കിയിരുന്നു. തുടര്ന്ന് ഉന്നതപഠനത്തിന് മുന് പരീക്ഷകളുടെ അടിസ്ഥാനത്തില് വിദ്യാര്ഥികളുടെ മൂല്യനിര്ണയം നടത്താന് കേന്ദ്രസര്ക്കാര് തീരുമാനിക്കുകയായിരുന്നു. ഇതിന്റെ അടിസ്ഥാനത്തില് സിബിഎസ്ഇ തയ്യാറാക്കിയ ഫോര്മുലയാണ് സുപ്രീംകോടതിയില് സമര്പ്പിച്ചത്.
ജസ്റ്റിസ് എ എം ഖാന്വില്ക്കര് അധ്യക്ഷനായ ബെഞ്ചാണ് പന്ത്രണ്ടാം ക്ലാസ് പരീക്ഷയുമായി ബന്ധപ്പെട്ട ഹര്ജി പരിഗണിക്കുന്നത്.
One child injured in Iranian attacks on Qatar
US completes 'major' wave of strikes on Iran, Gulf states under attack
Texas flooding kills two as US state braces for historic rains
SpaceX's Starship rocket aborts before liftoff in 13th flight test
