അറബ് രാഷ്ട്രങ്ങളോട് പൂർണ്ണ ഐക്യദാർഢ്യം പ്രകടിപ്പിച്ച് അറബ് ലീഗ്

എത്രയും വേഗം സംഘർഷം ലഘൂകരിക്കാനും, വർദ്ധിച്ചുവരുന്ന അസ്ഥിരതയുടെയും അക്രമത്തിന്റെയും അനന്തരഫലങ്ങളിൽ നിന്ന് മേഖലയെ ഒഴിവാക്കാനും, സംഭാഷണത്തിലേക്ക് മടങ്ങാനും

മേഖലയിൽ ഇപ്പോൾ നടക്കുന്ന സംഭവ വികാസങ്ങളിൽ അറബ് ലീഗ് പൂർണ്ണ പിന്തുണ പ്രഖ്യാപിച്ചു. അറബ് രാഷ്ട്രങ്ങളോട് പൂർണ്ണ ഐക്യദാർഢ്യം പ്രകടിപ്പിച്ച അറബ് ലീഗ്  സ്വയം പ്രതിരോധിക്കാനും അവരുടെ ജനങ്ങളുടെ സുരക്ഷ ഉറപ്പാക്കാനും അവർ സ്വീകരിക്കുന്ന ഏതൊരു നടപടികൾക്കും പിന്തുണ പ്രഖ്യാപിക്കുകയും ചെയ്തു.
ടെഹ്‌റാനെതിരായ സൈനിക നടപടി ഇല്ലാതാക്കാനുള്ള വ്യക്തമായ നിലപാടുകൾ അറബ് രാജ്യങ്ങൾ സ്വീകരിച്ചിട്ടുണ്ടെന്നും, ഇപ്പോൾ കാണുന്ന സംഘർഷാവസ്ഥ ഒഴിവാക്കാൻ നിരവധി അറബ് രാജ്യങ്ങൾ മധ്യസ്ഥതയിൽ വലിയ ശ്രമങ്ങൾ നടത്തിയിട്ടുണ്ടെന്നും അറബ് ലീഗ്  ഊന്നിപ്പറഞ്ഞു.

മേഖലയിൽ ഉണ്ടായ  നിലവിലെ സാഹചര്യത്തിൽ അന്തർലീനമായിരിക്കുന്ന ഗുരുതരമായ അപകടത്തെക്കുറിച്ച് ജനറൽ സെക്രട്ടേറിയറ്റ് മുന്നറിയിപ്പ് നൽകി. എത്രയും വേഗം സംഘർഷം ലഘൂകരിക്കാനും, വർദ്ധിച്ചുവരുന്ന അസ്ഥിരതയുടെയും അക്രമത്തിന്റെയും അനന്തരഫലങ്ങളിൽ നിന്ന് മേഖലയെ ഒഴിവാക്കാനും, സംഭാഷണത്തിലേക്ക് മടങ്ങാനും അന്താരാഷ്ട്ര സമൂഹത്തിലെ എല്ലാ സജീവ കക്ഷികളും ആവശ്യപ്പെട്ടു.