ദുബായ് റിസർച്ച്, ഡവലപ്‌മെൻ്റ്, ഇന്നൊവേഷൻ പുതിയ ഗ്രാൻ്റ്  സംരംഭത്തിന് തുടക്കം

ദുബായ് കിരീടാവകാശിയും ഉപപ്രധാനമന്ത്രിയും പ്രതിരോധ മന്ത്രിയുമായ ഹിസ് ഹൈനസ് ഷെയ്ഖ് ഹംദാൻ ബിൻ മുഹമ്മദ് ബിൻ റാഷിദ് അൽ മക്തൂം  അംഗീകാരം നൽകി.

ദുബായ് റിസർച്ച്, ഡവലപ്‌മെൻ്റ്, ഇന്നൊവേഷൻ പുതിയ ഗ്രാൻ്റ്  സംരംഭത്തിന് ദുബായ് കിരീടാവകാശിയും ഉപപ്രധാനമന്ത്രിയും പ്രതിരോധ മന്ത്രിയുമായ ഹിസ് ഹൈനസ് ഷെയ്ഖ് ഹംദാൻ ബിൻ മുഹമ്മദ് ബിൻ റാഷിദ് അൽ മക്തൂം  അംഗീകാരം നൽകി. 2022 സെപ്റ്റംബറിൽ ആരംഭിച്ച ദുബായ് റിസർച്ച് ആൻഡ് ഡെവലപ്‌മെൻ്റ് പ്രോഗ്രാമിൻ്റെ ഭാഗമായ ഇത് ദുബായുടെ സാമ്പത്തിക വളർച്ചയെ നയിക്കുന്നതിന് പ്രധാന മേഖലകളിലെ ഗവേഷണ ധനസഹായം വർദ്ധിപ്പിക്കാൻ ലക്ഷ്യമിടുന്നു.

ആർട്ടിഫിഷ്യൽ ഇൻ്റലിജൻസ് , റോബോട്ടിക്‌സ് സിസ്റ്റങ്ങൾ എന്നിവയിൽ പ്രത്യേക ഊന്നൽ നൽകിക്കൊണ്ട് കോഗ്‌നിറ്റീവ് സിറ്റികൾ, ഹെൽത്ത് ആൻ്റ് ലൈഫ് സയൻസസ് എന്നീ രണ്ട് പ്രധാന മേഖലകളിൽ ശ്രദ്ധ കേന്ദ്രീകരിക്കുന്ന 20 ഗവേഷണ പദ്ധതികളെ ഈ സംരംഭം പിന്തുണയ്ക്കും. ഗവേഷണ വിഷയങ്ങളിൽ സ്മാർട്ട് മൊബിലിറ്റി, പ്രിസിഷൻ മെഡിസിൻ, ഫിൻടെക് പോലുള്ള ആർട്ടിഫിഷ്യൽ ഇൻ്റലിജൻസ്   ആപ്ലിക്കേഷനുകൾ എന്നിവ ഉൾപ്പെടുന്നു.

ആഗോള ശാസ്ത്ര ഗവേഷണത്തിൻ്റെ ഒരു പ്രമുഖ കേന്ദ്രമായി ദുബായിയെ സ്ഥാപിക്കുന്നതിലും പൊതു-സ്വകാര്യ മേഖലകൾ തമ്മിലുള്ള സഹകരണം പ്രോത്സാഹിപ്പിക്കുന്നതിലും എമിറേറ്റിൻ്റെ ഭാവി സന്നദ്ധത വർദ്ധിപ്പിക്കുന്നതിലും ഈ സംരംഭത്തിൻ്റെ പങ്ക് ഷെയ്ഖ് ഹംദാൻ ഊന്നിപ്പറഞ്ഞു.

ദുബായ് ഫ്യൂച്ചർ ഫൗണ്ടേഷൻ ഈ സംരംഭത്തിൻ്റെ മേൽനോട്ടം വഹിക്കും. വിജയകരമായ പദ്ധതി നിർവഹണം ഉറപ്പാക്കുന്നതിന് പ്രാദേശിക, അന്തർദേശീയ സ്ഥാപനങ്ങളുമായി സഹകരിച്ച് പ്രവർത്തിക്കും.