ലോക അധ്യാപക ദിനത്തോടനുബന്ധിച്ച് യുഎഇ പ്രസിഡന്റിന്റെ സന്ദേശം

ഭാവി തലമുറകളെ രൂപപ്പെടുത്തുന്നതിൽ അധ്യാപകർ വഹിക്കുന്ന പങ്കിനെ അഭിനന്ദിച്ചുകൊണ്ട് യുഎഇ പ്രസിഡന്റ് ഹിസ് ഹൈനസ് ഷെയ്ഖ് മുഹമ്മദ് ബിൻ സായിദ് അൽ നഹ്യാൻ സന്ദേശം പങ്കുവെച്ചു.

ലോക അധ്യാപക ദിനത്തോടനുബന്ധിച്ച്, സോഷ്യൽ മീഡിയ പ്ലാറ്റ്‌ഫോമായ 'എക്സി'ൽ (X) പങ്കുവെച്ച കുറിപ്പിലൂടെ, യുഎഇയിലുടനീളമുള്ള അധ്യാപകരോടുള്ള തന്റെ നന്ദിയും ആദരവും അദ്ദേഹം പ്രകടിപ്പിച്ചു.

"നമ്മുടെ അധ്യാപകരെ ആദരിക്കാനും, നമ്മുടെ ജീവിതത്തിൽ അവർ ചെലുത്തിയ മായാത്ത സ്വാധീനത്തിന് നന്ദി പറയാനും നമുക്കെല്ലാവർക്കും ഈ ദിവസം ഒരു അവസരമാകട്ടെ," എന്നും അദ്ദേഹം കൂട്ടിച്ചേർത്തു.

താൻ വിദ്യാർത്ഥിയായിരുന്ന കാലത്തെ ചിത്രം ഒരു സ്മരണികയായി സൂക്ഷിക്കുന്നതിനായി തന്റെ അധ്യാപകന് സമ്മാനിക്കുന്ന യുഎഇ പ്രസിഡന്റിന്റെ ചിത്രവും ഈ പോസ്റ്റിൽ ഉൾപ്പെടുത്തിയിരുന്നു.

On World Teachers' Day, I express my appreciation and gratitude to teachers across the UAE and commend their role in shaping future generations. Let this day be an opportunity for all of us to recognise our teachers and thank them for the lasting impact they have had on our… pic.twitter.com/ZiDCGG4DkT

— محمد بن زايد (@MohamedBinZayed) October 5, 2026