അബുദാബിയിലേക്കുള്ള പുതുക്കിയ പ്രവേശന മാനദണ്ഡങ്ങൾ

അബുദാബിയിലേക്കുള്ള പ്രവേശന മാനദണ്ഡം ഇന്നു മുതൽ കർശനമാക്കി.അതിർത്തി കടക്കുന്നതിനു 48 മണിക്കൂറിനകം എടുത്ത പിസിആർ അല്ലെങ്കിൽ ഡിപിഐ നെഗറ്റീവ് സർട്ടിഫിക്കറ്റ് നിർബന്ധമാണ്.ഇന്നലെ വരെ ഇത് 72 മണിക്കൂർ ആയിരുന്നു.തുടർച്ചയായി 4 ദിവസം അബുദാബിയിൽ തങ്ങുന്നവർ നാലാം ദിവസവും 8 ദിവസത്തിലേറെ തങ്ങുന്നവർ എട്ടാം ദിവസവും പിസിആർ ടെസ്റ്റ് എടുത്തിരിക്കണമെന്നും നിർദേശമുണ്ട്. നിയമലംഘകർക്ക് 5000 ദിർഹം വീതമാണു പിഴ.

കോവിഡ് വാക്സീൻ എടുത്തവർക്കും വാക്സീൻ പരീക്ഷണത്തിൽ പങ്കാളികളായവർക്കും ഇളവുണ്ട്.ഇവർ അൽഹൊസൻ ആപ്പിൽ E എന്ന അക്ഷരം അല്ലെങ്കിൽ , സ്വർണനിറത്തിലുള്ള 'സ്റ്റാർ' എന്നിവയാണ് തെളിവായി കാണിക്കേണ്ടത്.