ടെൽ അവീവിലേക്കുള്ള വിമാനസർവീസ് എമിറേറ്റ്‌സ്  നിർത്തി വച്ചു

ടെൽ അവീവിലേക്കുള്ള എല്ലാ വിമാന സർവീസുകളും  ഒക്‌ടോബർ 20 വരെ നിർത്തി വച്ചു

ഇസ്രായേലിലെ ടെൽ അവീവിലേക്കും തിരിച്ചുമുള്ള എല്ലാ വിമാന സർവീസുകളും  ഒക്‌ടോബർ 20 വരെ എമിറേറ്റ്‌സ് എയർലൈൻസ്  നിർത്തി വച്ചു.

ഒക്ടോബർ 12-ന് ടെൽ അവീവിൽ നിന്ന് ദുബായിലേക്ക് പുറപ്പെടുന്ന EK932 ആയിരിക്കും ഈ റൂട്ടിലെ അവസാന ഫ്ലൈറ്റ് ഓപ്പറേഷൻ എന്ന് എമിറേറ്റ്‌സ് അറിയിച്ചു.

ഇസ്രായേലിലെ സ്ഥിതിഗതികൾ സൂക്ഷ്മമായി നിരീക്ഷിച്ചുവരികയാണെന്ന് എമിറേറ്റ്‌സ് വെബ്‌സൈറ്റിലെ പ്രസ്താവനയിൽ  പറയുന്നു.

ഫ്ലൈറ്റ് സസ്പെൻഷൻ ബാധിച്ച യാത്രക്കാരോട് ഇതരമാർഗങ്ങൾ, റീഫണ്ടുകൾ, റദ്ദാക്കലുകൾ അല്ലെങ്കിൽ റീബുക്കിംഗ് എന്നിവയ്ക്കായി അവരുടെ ബുക്കിംഗ് ഏജന്റുമാരെ ബന്ധപ്പെടാൻ എയർലൈൻ നിർദ്ദേശിച്ചിട്ടുണ്ട്.

നവംബർ 30 വരെയുള്ള യാത്രയ്‌ക്ക് ഒക്ടോബർ 11-ന് മുമ്പ് ഇഷ്യൂ ചെയ്ത ടിക്കറ്റുകൾ മാറ്റുന്നതിനോ റദ്ദാക്കുന്നതിനോ നിരക്കുകൾ ഈടാക്കില്ല.