മാനസികമായി തളർന്നു എന്ന് ഇന്ത്യൻ പേസർ ജസ്പ്രീത് ബുംറ

ഇന്നലെ 8 വിക്കറ്റിനാണ് ന്യൂസിലൻഡിനോട് ഇന്ത്യ പരാജയപ്പെട്ടത്

ആറു മാസമായി ബയോ ബബിളിൽ ആയതിനാൽ മാനസികമായി തളർന്നു എന്ന് ഇന്ത്യൻ പേസർ ജസ്പ്രീത് ബുംറ. ബയോ ബബിളിൽ കഴിയുന്നതും വീട്ടുകാരിൽ നിന്ന് ഏറെ നാളായി വിട്ടുനിൽക്കുന്നതും താരങ്ങളുടെ പ്രകടത്തെ സ്വാധീനിച്ചിട്ടുണ്ടെന്നും ബുംറ പറഞ്ഞു. ടി-20 ലോകകപ്പിൽ ന്യൂസീലൻഡിനെതിരായ മത്സരത്തിനു ശേഷമാണ് ബുംറയുടെ പ്രതികരണം. കഴിഞ്ഞ ജൂണിൽ ലോക ടെസ്റ്റ് ചാമ്പ്യൻഷിപ്പ് ഫൈനൽ കളിക്കാനെത്തിയതു മുതൽ പല ഇന്ത്യൻ താരങ്ങളും ബയോ ബബിളിലാണ്.

ഇന്നലെ 8 വിക്കറ്റിനാണ് ന്യൂസിലൻഡിനോട് ഇന്ത്യ പരാജയപ്പെട്ടത്. ഇന്ത്യ മുന്നോട്ട് വെച്ച 111 റൺസ് വിജയലക്ഷ്യം ന്യൂസീലൻഡ് 33 പന്ത് ശേഷിക്കെ മറികടന്നു. 49 റൺസെടുത്ത ഡാരിൽ മിച്ചലാണ് കിവീസിൻ്റെ ടോപ്പ് സ്കോററായത്. കിവീസിൻ്റെ രണ്ട് വിക്കറ്റുകളും ജസ്പ്രീത് ബുംറയാണ് വീഴ്ത്തിയത്.