ലോകകപ്പ് ഫുട്ബാൾ ടൂർണമെന്റ് ആസൂത്രണം ചെയ്തതുപോലെ നടക്കുമെന്ന്  ഫിഫ ചീഫ് ഓപ്പറേറ്റിംഗ് ഓഫീസർ

മിഡിൽ ഈസ്റ്റിൽ സംഘർഷം നിലനിൽക്കുന്നുണ്ടെങ്കിലും 2026 ലെ ലോകകപ്പ് ഫുട്ബാൾ ടൂർണമെന്റ് ആസൂത്രണം ചെയ്തതുപോലെ നടക്കുമെന്ന്  ഫിഫ ചീഫ് ഓപ്പറേറ്റിംഗ് ഓഫീസർ ഹെയ്‌മോ ഷിർഗി പ്രസ്താവിച്ചു.

 തിങ്കളാഴ്ച ഡാളസിലെ ഇന്റർനാഷണൽ ബ്രോഡ്‌കാസ്റ്റ് സെന്ററിൽ സംസാരിക്കവെ, ഇസ്രായേലും അമേരിക്കയും രാജ്യത്തിനെതിരെ നടത്തുന്ന യുദ്ധം കാരണം ലോകകപ്പിൽ ഇറാന്റെ പങ്കാളിത്തം അനിശ്ചിതത്വത്തിലായതിനെക്കുറിച്ചുള്ള ചോദ്യത്തിന് മറുപടിയായാണ് അദ്ദേഹം ഇക്കാര്യം പറഞ്ഞത്. 
ലോകകപ്പ് തീർച്ചയായും തുടരും, "ലോകകപ്പ് വളരെ വലുതാണ്, യോഗ്യത നേടിയ എല്ലാവർക്കും പങ്കെടുക്കാൻ കഴിയുമെന്ന് ഞങ്ങൾ പ്രതീക്ഷിക്കുന്നു." എന്നും അദ്ദേഹം പറഞ്ഞു. 
മിഡിൽ ഈസ്റ്റിലെ സ്ഥിതിഗതികൾ ഫിഫ  സൂക്ഷ്മമായി നിരീക്ഷിക്കുന്നുണ്ടെന്ന് ഷിർഗി പറഞ്ഞു.
ഇറാനിലെ സ്ഥിതിഗതികൾ നിരീക്ഷിച്ചുവരികയാണെന്നും അദ്ദേഹം വ്യക്തമാക്കി. ജൂണിലാണ് ഫിഫ ലോകകപ്പ്. ഏഷ്യൻ ഫുട്ബോൾ കോൺഫറൻസിലെ പങ്കാളിത്തത്തിലൂടെയാണ്  ഇറാൻ ടൂർണമെന്റിന് യോഗ്യത നേടിയത്.
ഗ്രൂപ്പ് ജിയിൽ ഇറാൻ ബെൽജിയം, ന്യൂസിലൻഡ്, ഈജിപ്ത് എന്നിവരുമായി കളിക്കും. രണ്ട് മത്സരങ്ങൾ ലോസ് ഏഞ്ചൽസിലും ഒന്ന് സിയാറ്റിലിലും നടക്കും.