വനിതാ ലോകകപ്പിൽ ഇന്ത്യയ്ക്ക് ജയം ; സെമി സാധ്യത

ബംഗ്ലാദേശിനെ 110 റൺസിന്  പരാജയപ്പെടുത്തി

വനിതാ ലോകകപ്പിൽ ഇന്ത്യയ്ക്ക് ജയം. ജയത്തോടെ  ഇന്ത്യൻ ടീം സെമി ഫൈനൽ സാധ്യതകൾ നിലനിർത്തി. ഹാമിൽട്ടണിൽ ഇന്ന് നടന്ന മത്സരത്തിൽ ബംഗ്ലാദേശിനെയാണ്  ഇന്ത്യ 110 റൺസിന്  പരാജയപ്പെടുത്തിയത് . സ്കോർ  ഇന്ത്യ നിശ്ചിത ഓവറിൽ ഏഴ് വിക്കറ്റ് നഷ്ടത്തിൽ 229 റൺസ്. ബംഗ്ലാദേശ് 40.3 ഓവറിൽ 119 റൺസിന്‌ പുറത്തായി . ഇന്ത്യയുടെ യെസ്‌തിക ഭാട്ടിയ അർദ്ധ സെഞ്ച്വറി നേടി മികച്ച പ്രകടനം കാഴ്ച  വച്ചു. ഷെഫാലി വർമ്മ 42 റൺസും, സ്‌മൃതി മാന്താന, പൂജ എന്നിവർ  30 റൺസ് വീതവും  നേടി. ഇന്ത്യയ്ക്ക് വേണ്ടി സ്നേഹ് റാണ 4 വിക്കറ്റ് വീഴ്ത്തി. ജൂലാൻ , പൂജ എന്നിവർ രണ്ട് വിക്കറ്റ് വീതവും, രാജേശ്വരി പൂനം എന്നിവർ ഓരോ വിക്കറ്റ് വീതവും നേടി. ടൂർണമെന്റിലെ മൂന്നാമത്തെ ജയമാണ് ഇന്ത്യൻ വനിതകൾ കരസ്ഥമാക്കുന്നത്. 
ശനിയാഴ്ച നടക്കുന്ന മത്സരത്തിൽ സൗത്ത് ആഫ്രിക്കയാണ് ഇന്ത്യയുടെ എതിരാളി.