ഓപ്പറേഷൻ ഷിവൽറസ് നൈറ്റ് 3;മൊബൈൽ മെഡിക്കൽ ക്ലിനിക് സേവനം തുടർന്ന് യു എ ഇ

ഗാസ മുനമ്പിലുടനീളമുള്ള താമസക്കാർക്കും പലായനം ചെയ്യേണ്ടി വന്ന ഫലസ്തീനികൾക്കും ഇതിന്റെ ഗുണം ലഭിക്കും. 

ഓപ്പറേഷൻ ഷിവൽറസ് നൈറ്റ് 3ൻ്റെ  ഭാഗമായി പ്രവർത്തിക്കുന്ന യുഎഇയുടെ മൊബൈൽ മെഡിക്കൽ ക്ലിനിക്കിലൂടെ ആരോഗ്യ സേവനങ്ങൾ തുടരുമെന്ന് അധികൃതർ അറിയിച്ചു.  ഗാസ മുനമ്പിലുടനീളമുള്ള താമസക്കാർക്കും പലായനം ചെയ്യേണ്ടി വന്ന ഫലസ്തീനികൾക്കും ഇതിന്റെ ഗുണം ലഭിക്കും. 

ആരോഗ്യ സേവനങ്ങൾ ലഭിക്കാൻ ബുദ്ധിമുട്ട് നേരിടുന്ന അഭയാർത്ഥി ക്യാമ്പുകൾ ,  രോഗികൾ, വയോധികർ, കുട്ടികൾ, കുടുംബങ്ങൾ എന്നിവരിലേക്ക് ക്ലിനിക്കിൻ്റെ സേവനങ്ങൾ എത്തിക്കും.  മരുന്ന് വിതരണം ചെയ്യുന്നതിനോടൊപ്പം  രോഗികൾക്ക് ആവശ്യമായ പരിചരണം ലഭിക്കുന്നുണ്ടെന്നും മെഡിക്കൽ സംഘം ഉറപ്പാക്കും. 

ഗാസയിലെ ആരോഗ്യമേഖലയെ ശക്തിപ്പെടുത്തുന്നതിനായി  ഓപ്പറേഷൻ ഷിവൽറസ് നൈറ്റ് 3ൻ്റെ കീഴിൽ നടപ്പിലാക്കുന്ന ആരോഗ്യ പദ്ധതികളുടെ ഭാഗമാണ്   മൊബൈൽ ക്ലിനിക്ക്.  കൂടുതൽ ആളുകളിലേക്ക് സേവനം എത്തിക്കുന്നതിനായി ഗാസ മുനമ്പിലുടനീളമുള്ള  ഫീൽഡ് സന്ദർശനങ്ങൾ തുടരുമെന്നും അധികൃതർ അറിയിച്ചു.