ദുബായ് ഫിറ്റ്‌നസ് ചലഞ്ച് ഒക്ടോബർ 31 മുതൽ

ബായ് ഫിറ്റ്‌നസ് ചലഞ്ചിൽ,  ദുബായ് റൺ , ദുബായ് റൈഡ് , ദുബായ് സ്റ്റാൻഡ്-അപ്പ് പാഡിൽ ,  ദുബായ് യോഗ തുടങ്ങിയ പ്രധാന പരിപാടികൾ കൂടാതെ  ഫിറ്റ്‌നസ് വില്ലേജുകൾ, ഫിറ്റ്‌നസ് ഹബ്ബുകൾ, ക്ലാസുകൾ, തുടങ്ങി ആയിരക്കണക്കിന് മറ്റ് പരിപാടികളും  ഉൾപ്പെടുന്നു.

 ദുബായ് ഫിറ്റ്‌നസ് ചലഞ്ച്  പത്താം പതിപ്പിലേക്ക് . ഒക്ടോബർ 31 മുതൽ നവംബർ 29 വരെയാണ് ഈ പരിപാടി നടക്കുക.

ദുബായ് ഡിപ്പാർട്ട്‌മെന്റ് ഓഫ് ഇക്കോണമി ആൻഡ് ടൂറിസവും ദുബായ് സ്‌പോർട്‌സ് കൗൺസിലും ചേർന്ന് സംഘടിപ്പിക്കുന്ന  ദുബായ് ഫിറ്റ്‌നസ് ചലഞ്ചിൽ,  ദുബായ് റൺ , ദുബായ് റൈഡ് , ദുബായ് സ്റ്റാൻഡ്-അപ്പ് പാഡിൽ ,  ദുബായ് യോഗ തുടങ്ങിയ പ്രധാന പരിപാടികൾ കൂടാതെ  ഫിറ്റ്‌നസ് വില്ലേജുകൾ, ഫിറ്റ്‌നസ് ഹബ്ബുകൾ, ക്ലാസുകൾ, തുടങ്ങി ആയിരക്കണക്കിന് മറ്റ് പരിപാടികളും  ഉൾപ്പെടുന്നു.

ദിവസവും 30 മിനിറ്റ് വീതം 30 ദിവസം സജീവമായിരിക്കാൻ താമസക്കാരെ പ്രോത്സാഹിപ്പിക്കുക എന്ന  ലക്ഷ്യത്തോടെ  ദുബായ് കിരീടാവകാശി ഷെയ്ഖ് ഹംദാൻ ബിൻ മുഹമ്മദ് ബിൻ റാഷിദ് അൽ മക്തൂമാണ് 2017-ൽ ദുബായ് ഫിറ്റ്‌നസ് ചലഞ്ച് ആരംഭിച്ചത്.

മികച്ച  ജീവിതശൈലി സ്വീകരിക്കാൻ 16 ദശലക്ഷത്തിലധികം ആളുകളെ പ്രേരിപ്പിച്ചു ദുബായിലെ ജനങ്ങളുടെ ജീവിതരീതിയിലും ചലനാത്മകതയിലും മികച്ച മാറ്റം കൊണ്ടുവരാൻ ഈ പരിപാടി സഹായിച്ചിട്ടുണ്ട്. ആരോഗ്യകരമായ ശീലങ്ങൾ 30 ദിവസത്തെ ചലഞ്ചിന് ശേഷവും നിലനിർത്തുന്ന, ലോകത്തിലെ ഏറ്റവും സജീവമായ നഗരങ്ങളിലൊന്നായി ദുബായിയെ മാറ്റുക എന്നതായിരുന്നു  ദുബായ് ഫിറ്റ്‌നസ് ചലഞ്ചിന്റെ  ലക്ഷ്യം. വെറുമൊരു  ഫിറ്റ്‌നസ് പരിപാടി എന്നതിനപ്പുറം വരുംതലമുറകൾക്ക് ആരോഗ്യകരവും പരസ്പരബന്ധിതവുമായ ഒരു നഗരം കെട്ടിപ്പടുക്കാൻ സഹായിക്കുക കൂടിയാണ് ദുബായ് ഫിറ്റ്‌നസ് ചലഞ്ചിലൂടെ  ചെയ്യുന്നത്.