യുഎഇ - ബഹ്‌റൈൻ ഉഭയകക്ഷി ബന്ധം ശക്തമാക്കും

യുഎഇ ഉപപ്രധാനമന്ത്രിയും വിദേശകാര്യ മന്ത്രിയുമായ ഷെയ്ഖ് അബ്ദുല്ല ബിൻ സായിദ് അൽ നഹ്യാൻ, ബഹ്‌റൈൻ വിദേശകാര്യ മന്ത്രി ഡോ. അബ്ദുല്ലത്തീഫ് ബിൻ റാഷിദ് അൽ സയാനിയുമായി മേഖലയിലെ ഏറ്റവും പുതിയ സംഭവവികാസങ്ങൾ  ചർച്ച ചെയ്തു

യുഎഇ ഉപപ്രധാനമന്ത്രിയും വിദേശകാര്യ മന്ത്രിയുമായ ഷെയ്ഖ് അബ്ദുല്ല ബിൻ സായിദ് അൽ നഹ്യാൻ, ബഹ്‌റൈൻ വിദേശകാര്യ മന്ത്രി ഡോ. അബ്ദുല്ലത്തീഫ് ബിൻ റാഷിദ് അൽ സയാനിയുമായി മേഖലയിലെ ഏറ്റവും പുതിയ സംഭവവികാസങ്ങൾ  ചർച്ച ചെയ്തു. പ്രാദേശിക സുരക്ഷയും സ്ഥിരതയും ശക്തിപ്പെടുത്തുന്നതിനായി നടന്നുവരുന്ന പ്രവർത്തനങ്ങൾ മന്ത്രിമാർ വിലയിരുത്തി.

യുഎഇയും ബഹ്‌റൈനും തമ്മിലുള്ള ദൃഢമായ സാഹോദര്യ ബന്ധവും  സംയുക്ത സഹകരണത്തിനുള്ള സംവിധാനങ്ങളും  അവലോകനം ചെയ്തു .  പ്രധാന മേഖലകളിൽ ബന്ധം കൂടുതൽ ശക്തിപ്പെടുത്താനും തീരുമാനിച്ചു.