പ്രൗഡ് ഓഫ് യുഎഇ കാമ്പയിൻ ; 800 ഓളം യുഎഇ പതാകകൾ വിതരണം ചെയ്ത് ദുബായ് പോലീസ്

യുഎഇ വൈസ് പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ഹിസ് ഹൈനസ് ഷെയ്ഖ് മുഹമ്മദ് ബിൻ റാഷിദ് അൽ മക്തൂമിന്റെ നിർദ്ദേശപ്രകാരമാണ് കാമ്പയിൻ

ദുബായ് പോലീസ്   പ്രൗഡ് ഓഫ് യുഎഇ കാമ്പെയ്‌നിന്റെ ഭാഗമായി 800 ഓളം  യുഎഇ പതാകകൾ താമസക്കാർക്ക് വിതരണം ചെയ്തു. യുഎഇ വൈസ് പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ഹിസ് ഹൈനസ് ഷെയ്ഖ് മുഹമ്മദ് ബിൻ റാഷിദ് അൽ മക്തൂമിന്റെ നിർദ്ദേശപ്രകാരമാണ് കാമ്പയിൻ ആരംഭിച്ചത് .  ഇന്റർനാഷണൽ ഗോൾഡൻ ഗ്രൂപ്പ് ,ദുബായിലുടനീളമുള്ള ടൂറിസ്റ്റ് പോലീസുമായും പോലീസ് സ്റ്റേഷനുകളുമായും സഹകരിച്ചുകൊണ്ട്  ജനറൽ ഡിപ്പാർട്ട്‌മെന്റ് ഓഫ് ലോജിസ്റ്റിക് സപ്പോർട്ടാണ് ഈ കമ്മ്യൂണിറ്റി സംരംഭത്തിന് നേതൃത്വം നൽകിയത്. .
ദേശീയ ഐഡന്റിറ്റി ആഘോഷിക്കുന്നതിനായി അൽ മർമൂം, മർഗാം, അൽ അവീർ, ലഹ്ബാബ്, അൽ ഖവാനീജ് എന്നിവിടങ്ങളിലെ താമസക്കാർക്കാണ് പതാകകൾ വിതരണം ചെയ്തത്.