ദുബായ് പോലീസും ഓക്‌സ്‌ഫോർഡ് ടെക്‌നോളജീസും ധാരണാപത്രത്തിൽ ഒപ്പുവച്ചു

വിദ്യാഭ്യാസം, പരിശീലനം, ഗവേഷണം, വികസനം എന്നീ മേഖലകളിൽ സഹകരണം ശക്തിപ്പെടുത്തുന്നതിനും പങ്കാളിത്തം ഉറപ്പിക്കുന്നതിനുമായി ദുബായ് പോലീസും ഓക്‌സ്‌ഫോർഡ് ടെക്‌നോളജീസും ധാരണാപത്രത്തിൽ ഒപ്പുവച്ചു

ഫോറൻസിക് സയൻസ്, ക്രൈം തുടങ്ങിയ മേഖലകൾ ഉൾപ്പെടെ എല്ലാ മേഖലകളിലും വികസനം, കൈമാറ്റം എന്നിവ മെച്ചപ്പെടുത്തുന്നതിനും പിന്തുണയ്ക്കുന്നതിനുമുള്ള ദുബായ് പോലീസിൻ്റെ വീക്ഷണമാണ് ഈ കരാറിന് പിന്നിലെന്ന് ഫോറൻസിക് എവിഡൻസ് ആൻഡ് ക്രിമിനോളജി, ജനറൽ ഡിപ്പാർട്ട്‌മെൻ്റ് ഡയറക്ടർ മേജർ ജനറൽ അഹമ്മദ് താനി ബിൻ ഗലിത പറഞ്ഞു.

ഫോറൻസിക് എവിഡൻസ് ആൻഡ് ക്രിമിനോളജി ജനറൽ ഡിപ്പാർട്ട്‌മെൻ്റിലെ ലബോറട്ടറികളുടെ പ്രകടനം മെച്ചപ്പെടുത്തുന്നതിന് ഇത്തരം കമ്പനികൾ സഹായകമാകും.

പൊതു സുരക്ഷയും ആരോഗ്യ സുരക്ഷയും വർധിപ്പിക്കുന്നതിന് വേഗത്തിലും കൃത്യവും ആയ ക്രമം പ്രയോജനപ്പെടുത്തുന്നതിലെ ഒരു പ്രധാന ചുവടുവെപ്പാണ് ഈ സഹകരണത്തിലൂടെ ഉദ്ദേശിക്കുന്നതെന്നും അദ്ദേഹം വ്യക്തമാക്കി.