പുതിയ അധ്യയന വർഷം; സ്കൂൾ പ്രവേശനത്തിന് പുതിയ പ്രായ പരിധി പ്രഖ്യാപനവുമായി യു എ ഇ

പ്രീ-കിൻ്റർഗാർട്ടനിലേക്കുള്ള  പ്രവേശനത്തിന്  കുട്ടികൾക്ക് ഡിസംബർ 31-ന് മൂന്ന് വയസ്സ് തികഞ്ഞിരിക്കണം.

യു എ ഇ യിൽ 2026–2027 അധ്യയന വർഷം മുതൽ കിൻ്റർഗാർട്ടനിലേക്കും ഗ്രേഡ് 1 ലേക്കുള്ള പ്രവേശനത്തിനുള്ള ഔദ്യോഗിക  പ്രായ പരിധി  ഓഗസ്റ്റ് 31 ൽ നിന്ന് ഡിസംബർ 31 ലേക്ക് മാറ്റി.വിദ്യാഭ്യാസ മന്ത്രാലയത്തിൻ്റെ  ശിപാർശയെ തുടർന്ന് വിദ്യാഭ്യാസ , മാനുഷിക വികസന,കമ്മ്യൂണിറ്റി ഡെവലപ്‌മെൻ്റ് കൗൺസിൽ   ഇതിനു അംഗീകാരം നൽകി. പ്രീ-കിൻ്റർഗാർട്ടനിലേക്കുള്ള  പ്രവേശനത്തിന്  കുട്ടികൾക്ക് ഡിസംബർ 31-ന് മൂന്ന് വയസ്സ് തികഞ്ഞിരിക്കണം. പ്രവേശനത്തിന് യോഗ്യത നേടുന്നതിന്, വിദ്യാർത്ഥികൾ പ്രവേശന വർഷത്തിൻ്റെ ഡിസംബർ 31-നോ അതിന് മുമ്പോ ആവശ്യമായ പ്രായം പൂർത്തിയാക്കിയിരിക്കണം.  ബ്രിട്ടീഷ് പാഠ്യപദ്ധതിയിലെ ഫൗണ്ടേഷൻ സ്റ്റേജ് 1 (FS1), ഫ്രഞ്ച് സിസ്റ്റത്തിൽ  PS വിഭാഗം , മറ്റ്  ഇന്റർനാഷണൽ കരിക്കുലത്തിലും ഇത് ബാധകമാണ് . ഡിസംബർ 31-നകം അഞ്ച് വയസ്സ് പ്രായമാകുന്ന  കുട്ടികൾക്ക്  KG2ൽ , പ്രവേശനം ലഭ്യമാണ്. ഒന്നാം ക്ലാസ്സിലേക്കുള്ള പ്രവേശനത്തിന് ഡിസംബർ 31-ന് കുട്ടികൾക്ക് ആറ് വയസ്സ് തികഞ്ഞിരിക്കണം. ഓഗസ്റ്റ് അല്ലെങ്കിൽ സെപ്റ്റംബറിൽ അധ്യയനം ആരംഭിക്കുന്ന എല്ലാ സ്കൂളുകൾക്കും ഇത് ബാധകമാകും. ഏപ്രിലിൽ അധ്യയന വർഷം ആരംഭിക്കുന്ന സ്‌കൂളുകൾ  നിലവിലുള്ള സിസ്റ്റം അനുസരിച്ചു   കട്ട് ഓഫ് തീയതി മാർച്ച് 31 തന്നെയായി തുടരും.