റാസ് അൽ ഖൈമയിലെ നിരവധി ബീച്ചുകൾ തുറന്നു

റാസ് അൽ ഖൈമയിലെ നിരവധി ബീച്ചുകൾ പൊതുജനങ്ങൾക്കായി വീണ്ടും തുറന്നു. ബാക്കിയുള്ള സ്ഥലങ്ങളിലേക്കുള്ള പ്രവേശനം ഘട്ടംഘട്ടമായി പുനഃസ്ഥാപിക്കും. ബന്ധപ്പെട്ട അധികൃതർ നൽകുന്ന എല്ലാ സുരക്ഷാ നിർദ്ദേശങ്ങളും മാർഗ്ഗനിർദ്ദേശങ്ങളും പാലിക്കാൻ പൊതുജനങ്ങളോട് അഭ്യർത്ഥിച്ചു.

ഫ്ലമിംഗോ ബീച്ച്, ദഹാൻ ബീച്ച്, അൽ മൈരീദ് ബീച്ച്, അൽ റാംസ് കോർണിഷ് എന്നിവ തുറന്നതായി പബ്ലിക് സർവീസസ് ഡിപ്പാർട്ട്‌മെന്റ് സ്ഥിരീകരിച്ചു.
അനന്താര മീന അൽ അറബ്, ഇന്റർകോണ്ടിനെന്റൽ മീന അൽ അറബ്, ദ കോവ് റോട്ടാന റിസോർട്ടുകളിലെ ബീച്ചുകളും തുറന്നിട്ടുണ്ട്.
മറ്റ് ബീച്ചുകളെക്കുറിച്ചുള്ള വിവരങ്ങൾ ഔദ്യോഗിക മാധ്യമങ്ങളിലൂടെ ഘട്ടംഘട്ടമായി അറിയിക്കുമെന്ന് വകുപ്പ് വ്യക്തമാക്കി.
ബന്ധപ്പെട്ട അധികൃതർ നൽകുന്ന എല്ലാ സുരക്ഷാ നിർദ്ദേശങ്ങളും മാർഗ്ഗനിർദ്ദേശങ്ങളും പാലിക്കാൻ പൊതുജനങ്ങളോട് അഭ്യർത്ഥിച്ചു. ഒക്ടോബർ 24-ന് റാസ് അൽ ഖൈമയിലെ പബ്ലിക് സർവീസസ് ഡിപ്പാർട്ട്‌മെന്റ് എമിറേറ്റിലെ എല്ലാ ബീച്ചുകളും അടച്ചിടുന്നതായി പ്രഖ്യാപിക്കുകയും, താമസക്കാരോടും സന്ദർശകരോടും ഔദ്യോഗിക സുരക്ഷാ നിർദ്ദേശങ്ങൾ പാലിക്കാൻ ആവശ്യപ്പെടുകയും ചെയ്തിരുന്നു.
ഒക്ടോബർ 23-ന് ഒരു ടാങ്കറിൽ നിന്ന് എണ്ണ ചോർന്നതായി യുഎഇ കാലാവസ്ഥാ വ്യതിയാന-പരിസ്ഥിതി മന്ത്രാലയം സ്ഥിരീകരിച്ചതിനെ തുടർന്നാണ് ഈ നടപടി സ്വീകരിച്ചത്.

ഉമ്മുൽ ഖുവൈനിലെയും ഷാർജയിലെയും അധികൃതരും ബീച്ചുകൾ താൽക്കാലികമായി അടച്ചിടുന്നതായി പ്രഖ്യാപിച്ചിരുന്നു